Łukašenka: Rajcentry i ahraharadki ŭ bližejšyja hady treba pryvieści ŭ idealny stan
26.04.2016 / 20:15
Rajonnyja centry i ahraharadki ŭ bližejšyja hady treba pryvieści ŭ idealny stan. Takoje daručeńnie daŭ Alaksandr Łukašenka siońnia ŭ čas naviedvańnia ahraharadka Dabryń u Jelskim rajonie.
«U hetym i dvuch nastupnych hadach treba ŭsie rajonnyja centry i bujnyja harady abłasnoha padparadkavańnia pryvieści ŭ idealny stan. I piać hadoŭ na toje, kab pryvieści ahraharadki voś u taki stan (jak u Dabryni), kab moładź zastavałasia tut žyć i hanaryłasia hetym», — skazaŭ Alaksandr Łukašenka.
Jon padkreśliŭ, što ahraharadki pavinny vykonvać rolu centraŭ žyćcia ŭ vioscy. Razam z tym nieabchodna ŭdzialać uvahu stvareńniu naležnych umoŭ dla žyćcia i ŭ vialikich vioskach. Havoračy pra małyja, tak zvanyja niepierśpiektyŭnyja, nasielenyja punkty, jon adznačyŭ, što dla miascovych žycharoŭ, tym nie mienš, pavinien pradastaŭlacca chacia b minimalna nieabchodny nabor pasłuh.
U čas naviedvańnia ahraharadka Dabryń Łukašenku dałažyli ab raźvićci sacyjalnaj infrastruktury, stvareńni ŭmoŭ dla adukacyi, zaniatkaŭ sportam, praviadzieńnia kulturna-masavych mierapryjemstvaŭ. Alaksandr Łukašenka aznajomiŭsia z rabotaj dziciačaha sada, Doma kultury i spartyŭnaha kompleksu.
Asablivuju ŭvahu kiraŭnik dziaržavy ŭdzialiŭ pytańniu handlu ŭ vioscy, naviedaŭ miascovy mahazin. Tut abmiarkoŭvałasia rabota arhanizacyj Biełkaapsajuza, novyja padychody ŭ arhanizacyi handlovaha absłuhoŭvańnia sielskaha nasielnictva.