Zatrymanyja troje byłych bujnych kiraŭnikoŭ Minskaha matornaha zavoda
27.04.2016 / 13:09
U Minsku supracoŭniki HUBAZiK MUS zatrymali byłych słužbovych asobaŭ AAT «Kampanija-kiraŭnik chołdynha «Minski matorny zavod»: namieśnika techničnaha dyrektara pa budaŭnictvie liciejnaha zavoda, hałoŭnaha mietałurha i jaho namieśnika.
Jak paviedamlaje MUS, ustanoŭlena, što zatrymanyja z 2011 pa 2014 hady, vykarystoŭvajučy svaje słužbovyja paŭnamoctvy, zabiaśpiečyli pieramohu ŭ tendary łatvijskaj kampanii, jakaja pastaŭlała technałohii i kompleks abstalavańnia dla vytvorčaści čyhunnaha lićcia. U vyniku supraćpraŭnych dziejańniaŭ zavod nabyŭ abstalavańnie koštam bolšym za 5 młn. jeŭra, jakoje nie adpaviadaje techničnamu zadańniu i zaklučanamu kantraktu.
Zhodna sa źviestkami HUBAZiK MUS, złačynnyja namiery fihuranty realizoŭvali paśladoŭna i ŭ niekalki etapaŭ, pačynajučy sa stadyi prajektavańnia i zakančvajučy faktyčnaj pastaŭkaj abstalavańnia.
Zaraz usie padazronyja znachodziacca ŭ IČU, u dačynieńni da ich Śledčym kamitetam raspačataja sprava na padstavie č. 3 art. 424 KK (złoŭžyvańnie ŭładaj abo słužbovymi paŭnamoctvami), sankcyja jakoj praduhledžvaje pakarańnie ŭ vyhladzie pazbaŭleńnia voli terminam da 10 hadoŭ z kanfiskacyjaj majomaści i pazbaŭleńniem prava zajmać peŭnyja pasady abo zajmacca peŭnaj dziejnaściu.