Parłamienckija vybary ŭ Biełarusi projduć 11 vieraśnia
27.04.2016 / 13:30
Alaksandr Łukašenka pahadziŭsia z dataj 11 vieraśnia dla praviadzieńnia vybaraŭ u Pałatu pradstaŭnikoŭ Nacyjanalnaha schodu.
Pra heta siońnia žurnalistam zajaviła staršynia Centrvybarkama Biełarusi Lidzija Jarmošyna pa vynikach praviedzienaj u kiraŭnika dziaržavy narady.
«Siońnia abmiarkoŭvałasia pytańnie aptymalnaj daty vybaraŭ. Prezident pahadziŭsia, što heta 11 vieraśnia. Vybarčaja kampanija pavinna pačacca nie paźniej za 10 červienia. Adnak kiraŭnik dziaržavy zhadziŭsia, što vybary pavinny być pryznačanyja (padpisany adpaviedny ŭkaz ab pryznačeńni daty vybaraŭ) niekalki raniej. Tamu płanujecca, što vybarčaja kampanija budzie pačata na try dni raniej hraničnaha terminu, a mienavita 7 červienia hetaha hoda. a 8 červienia Centralnaja kamisija płanuje zacvierdzić płan arhanizacyjnych mierapryjemstvaŭ, biudžet vybaraŭ, miežy vybarčych akruhaŭ», — paviedamiła Lidzija Jarmošyna.