Biełaruś z 1 maja pavyšaje ekspartnyja pošliny na naftu i naftapradukty
27.04.2016 / 19:34
Biełaruś z 1 maja pavyšaje ekspartnyja pošliny na naftu i naftapradukty, jakija vyvoziacca za miežy mytnaj terytoryi Jeŭrazijskaj ekanamičnaj sajuza (JEAES). Dadzienaje rašeńnie zamacavana pastanovaj Savieta Ministraŭ 27 krasavika 2016 hoda №340, paviedamili ŭ pres-słužbie ŭrada.
Staŭka ekspartnaj pošliny na syruju naftu budzie pavyšana z $54,9 da $66 za 1 t. Pošlina na pramahonny bienzin pavialičycca z $38,9 da $46,8 za 1 t, na tavarnyja bienziny — z $33,4 da $40,2 za 1 t.
Pošlina na lohkija, siarednija dystylaty składzie $26,4 za 1 t (była $21,9). Takaja ž pošlina ŭstanoŭlena ŭ dačynieńni da dyzielnaha paliva, bienzołu, tałuołu, ksiłołu, zmazačnych i inšych aliŭ.
U papiaredni raz staŭki vyvaznych mytnych pošlin u dačynieńni da syroj nafty i asobnych katehoryj tavaraŭ, vypracavanych z nafty, źmianialisia 1 krasavika. Tady jany byli pavyšanyja.