VKS Rasii razbambili palavy špital u Alepa: 30 zabitych

28.04.2016 / 09:38

U vyniku ataki samalota VKS Rasii na palavy špital u padkantrolnym apazicyi rajonie Sukiery horada Alepa zabita jak minimum 30 čałaviek, u tym liku miedpiersanał. Ranieńni atrymali jak minimum 62 čałavieki, paviedamiła infarmacyjnaje ahienctva Anadołu. Pavodle Frans pres, ličba zabitych składaje jak minimum 20 čałaviek.

Pradstaŭnik sił hramadzianskaj abarony Alepa Hadž Ibrahim paviedamiŭ, što pad udar trapiŭ špital «Kuds».

«U liku achviar rasijskaj bambardziroŭki jość taksama dzieci i žančyny. My aścierahajemsia, što kolkaść achviar moža ŭzraści. Pad zavałami zastajucca ludzi, i my starajemsia dapamahčy im», — rastłumačyŭ jon.

Napiaredadni, u vyniku inšaj ataki VKS Rasii ŭ rajonie Etaryb zahinuli 11 čałaviek.

Dziaržaŭnaje infarmacyjnaje ahienctva Siryi SANA abvinavaciła ŭ rakietnych abstrełach «Front Al-Nusra» i ich sajuźnikaŭ.