Pad Smalenskam u łabavym sutyknieńni VW i fury zahinuŭ biełarus
28.04.2016 / 16:23
Adzin čałaviek zahinuŭ i adzin atrymaŭ traŭmy 27 krasavika, kala 04.30, u vyniku łabavoha sutyknieńnia VW z furaj pad Smalenskam.
Pavodle infarmacyi abłasnoj DIBDR, 40-hadovy kiroŭca Volkswagen Golf ruchaŭsia pa trasie R120 Bransk — Smalensk, vyjechaŭ na pałasu sustrečnaha ruchu i ŭrezaŭsia ŭ furu DAF. Ad udaru abodva aŭtamabila vylecieli ŭ kiuviet.
U vyniku DTZ kiroŭca lehkavuški ad atrymanych traŭmaŭ pamior na miescy zdareńnia. 38-hadovaja pasažyrka VW z traŭmami roznaj stupieni ciažkaści špitalizavanaja. Abodva paciarpiełych, pavodle infarmacyi miascovych ŚMI, žychary Viciebskaj vobłaści.
Pryčyny i abstaviny avaryi vyśviatlajucca.