Čelabinskija babulki pieraśpiavali chit «Leninhrada» pra łabuteny VIDEA
28.04.2016 / 21:19
Čelabinskija 70-hadovyja babuli pieraśpiavali papularnuju pieśniu «Leninhrada» «Ekspanat».
Hrupa Babochki utvoranaja z choru vieteranaŭ čelabinskaha pałaca kultury čyhunačnikaŭ, u składzie kalektyvu vakalistki ad 60 da 70 hadoŭ.
Babochki vykonvajuć i inšyja papularnyja chity. U ich interpretacyi hučać taksama pieśni Ivana Dorna i hurtu «Sierabro». Kalektyŭ zavajoŭvaje ŭsio bolšuju papularnaść u siecivie.
Zaŭziatyja vakalistki pry hetym kažuć, što rady pravieści svaju piensiju takim čynam: im udajecca «zapalvać moładź». Babuli padkreślivajuć, što z-za vystupleńniaŭ ich unuki nie buduć abdzielenyja ŭvahaj. Jany havorać z aptymizmam: «My ŭsio paśpiejem, my ž žančyny».