U centry Homiela — surjoznaja avaryja: «Tajota» sutyknułasia z maršrutkaj, jość paciarpiełyja
30.04.2016 / 15:18
DTZ z udziełam «Tajoty» i maršrutki № 14 adbyłosia 30 krasavika a 13.30 na vulicy Savieckaj. Pa słovach vidavočcaŭ, jość paciarpiełyja, u tym liku piešachody.
Pavodle papiaredniaj infarmacyi, Toyota jechała pa vulicy Łanhie ŭ bok vulicy Kamunaraŭ i na skryžavańni z vulicaj Savieckaj sutyknułasia z maršrutkaj. Ad udaru «Tajotu» raźviarnuła, mašyna niekalki razoŭ pierakuliłasia i ŭrezałasia ŭ słup.
Hamielčuki kažuć ab troch paciarpiełych, u tym liku i pra vypadkovaha minaka, jaki apynuŭsia ŭ epicentry DTZ: «Chłopca ad udaru adkinuła prama na ścienku ŭniviermaha», — paviedamlajuć vidavočcy.