Двухгадовая дзяўчынка выпала з акна трэцяга паверха ў Баранавічах
05.05.2016 / 13:45
Здарэнне адбылося днём 4 мая ў Баранавічах на вуліцы Гаявой.
Дзяўчынка разам з 12-гадовым братам вярнулася з прагулкі і папрасіла маму ўключыць мультфільмы.
— Мама сказала дзецям ісці ў пакой, дзе стаяў камп'ютар, забыўшыся пра тое, што вокны ў пакоі адчыненыя. Жанчына перад гэтым прыбіралася і адчыніла вокны для праветрывання, — распавяла Іна Семянюк, начальнік Баранавіцкага міжраённага аддзела Следчага камітэта. - Маці знаходзілася на кухні, калі пачула крык сына.
Дзяўчынка атрымала цяжкія траўмы, у тым ліку закрытую чэрапна-мазгавую.
Паводле інфармацыі следства, дзіця ўжо апрытомнела.
У сям'і выхоўваецца чацвёра дзяцей. Адно дзіця - паўналетняе.