Беларусь не здолела прабіцца ў фінал «Еўрабачання» + відэа выступу
а хто Вам найбольш спадабаўся?
У Стакгольме прайшоў другі паўфінал 61-га міжнароднага конкурса песні «Еўрабачанне».
13.05.2016 / 00:03
У фінал прайшлі: Аўстралія, Балгарыя, Бельгія, Грузія, Ізраіль, Латвія, Літва, Польшча, Сербія, Украіна.
Беларускі спявак Ivan не патрапіў у фінал.
Пуцёўкі ў фінал, што пройдзе ў суботу, 14 мая, у першым паўфінале заваявалі Азербайджан, Арменія, Аўстрыя, Венгрыя, Кіпр, Мальта, Нідэрланды, Расія, Харватыя, Чэхія. Таксама ў фінале выступяць Брытанія, Германія, Іспанія, Італія, Францыя і Швецыя.
Цікава, што ў фінале выступяць усе суседзі беларусаў — Польшча, Літва, Латвія, Расія, Украіна.
Беларусы бралі ўдзел у «Еўрабачанні» 12 раз, прычым толькі чатыры разы выходзілі ў фінал (Дзмітрый Калдун, 2007, 6-е месца; праект «3+2», 2010, 24-е; Алёна Ланская, 2013, 16-е; Тэа, 2014, 16-е).
Падрабязныя вынікі — хто за каго галасаваў — стануць вядомыя толькі пасля фіналу.
Вось відэа выступу Айвана: