Kaśmičny Jaryła — u Minsku źjaviłasia vialikaje hrafici pahanskaha boha ŭ sučasnaj apracoŭcy FOTA
22.05.2016 / 20:04
Siońnia ŭ Minsku źjaviłasia jašče adno etničnaje hrafici. Na vulicy Rabkoraŭskaja, 13 ispanski mastak Deih namalavaŭ pahanskaha boha Jaryłu takim, jakim jon jaho bačyć.
Murał byŭ namalavany ŭ miežach fiestyvalu Urban Myths, dziakujučy jakomu letaś na minskaj šmatpaviarchoŭcy źjaviłasia hrafici dziaŭčyny ŭ vyšyvancy. Ažyćciavić sioletni murał atrymałasia pry padtrymcy kampanii Targetprocess.
Ispanski mastak sprabavaŭ pieradać suviaź boha z soncam, kvietkami, uradlivaściu i viasnoj. Dla taho kab ujavić, a paśla namalavać vobraz Jaryły, Deih šmat času vyvučaŭ pahanstva. Heta možna pabačyć u niekatorych detalach hrafici.
Mifičny znak, jakim abaznačali Jaryłu.
Dla taho kab namalavać simvały, mastak źviartaŭsia da słoŭnikaŭ, jakija pierakładali ich značeńnie.
Nebbia - imia dački mastaka, a ŭ pierakładzie ź ispanskaha - imhlistaść.
Prajekt Urban Myths isnuje za achviaravańni achvotnych pabačyć pryhožyja hrafici ŭ Biełarusi. Kožny hod źjaŭlajecca ŭsio bolš hrafici, a ich malavańnie kaštuje vialikich hrošaj. Daviedacca, jak padtrymać prajekt, možna napisaŭšy na mejł signal.streetart@gmail.com.