У выніку выбухаў у Сірыі загінулі больш за 100 чалавек
23.05.2016 / 13:43
Больш за 100 чалавек загінулі ў выніку выбухаў у заходніх сірыйскіх гарадах Джабла і Тартус паблізу ад расійскіх вайсковых базаў.
У Тартусе побач з аўтавакзалам узарваўся замініраваны аўтамабіль, акрамя таго, на тэрыторыі вакзала падарваліся двое смяротнікаў.
У горадзе Джабла таксама адбылося некалькі выбухаў.
Дзяржаўныя сірыйскія СМІ паведамляюць, што мішэнню для выбухаў таксама сталі шматлюдныя аўтобусныя прыпынкі і бальніцы.