Pałonnyja bajcy HRU admovilisia prasić Parašenku pra pamiłavańnie
24.05.2016 / 11:31
Asudžanyja va Ukrainie na 14 hadoŭ źniavoleńnia rasijanie Jaŭhien Jerafiejeŭ i Alaksandr Alaksandraŭ nie buduć prasić Piatra Parašenku ab pamiłavańni, bo ličać prysud niezakonnym. Zhodna z zakonam, zrabić heta mohuć ich svajaki.
Rasijanie Jaŭhien Jerafiejeŭ i Alaksandr Alaksandraŭ i ich advakaty nie buduć chadajničać ab pamiłavańni. Pra heta raspaviała advakat Jerafiejeva Aksana Sakałoŭskaja.
Raniej advakaty bajcoŭ HRU paviedamlali, što Maskva i Kijeŭ dasiahnuli damoŭlenaściej, jaki praduhledžvaje abmien asudžanych praz praceduru pamiłavańnia prezidentami dźviuch krain. Havorka idzie pra Jerafiejeva i Alaksandrava, asudžanych va Ukrainie, i asudžanaj u Rasii Nadziei Saŭčanka.