U Dubai adkryli pieršy ŭ śviecie ofis, nadrukavany na 3D-pryntary FOTA
24.05.2016 / 21:08
U Dubai 23 maja adkryŭsia pieršy ŭ śviecie funkcyjanujučy ofis, nadrukavany na 3D-pryntary. U cyrymonii adkryćcia ŭziaŭ udzieł kiraŭnik Dubaja šejch Machamied bien Rašyd Al Maktum.
Jak paviedamlaje UNIAN sa spasyłkaj na emirates247.com, unikalny budynak płoščaj 250 kvadratnych mietraŭ raźmieščany pobač ź biznes-hatelem Emirates Towers. Pry hetym dyzajn ofisa vykanany pa apošnim słovie techniki. Sam budynak padklučany da elektraenierhii, vodazabieśpiačeńnia, telekamunikacyj i abstalavany kandycyjanieram.
Dla vytvorčaści budynka vykarystoŭvaŭsia śpiecyjalny typ cemientu.
Usiaho na ŭźviadzieńnie budynka pajšło 17 dzion, a košt apłaty pracy piersanała akazaŭsia na 50% nižejšy, čym pry budaŭnictvie zvyčajnych budynkaŭ, za košt mienšaj kolkaści supracoŭnikaŭ i vysokaj chutkaści vykanańnia rabot.
Uźviedzieny budynak vykanany ŭ ramkach stratehii Dubaja pa 3D-druku, nakiravanaj na vykarystańnie hetaj pierśpiektyŭnaj technałohii dla pavyšeńnia statusu AAE i Dubaja jak viadučaha suśvietnaha centra 3D-druku da 2030 hoda. Stratehija aryjentavanaja na try asnoŭnyja siektary: budaŭnictva, miedycyna i spažyvieckija tavary.