Ці заплыве возера Нарач гноем?
01.06.2016 / 18:25
Нацыянальны парк «Нарачанскі» быў створаны ўказам прэзідэнта ў 1999 годзе.
І што ж задумала тут цяпер ТАА «Нарачанская ніва 2004»?
Пабудову кароўнікаў, аж на 3600 галоў! 29 красавіка адбыліся першыя грамадскія слуханні, 13 мая — другія.
Прыватнік разлічваў, што ўсё пройдзе ціха, без шуму і пылу! Прывёз свой бізнэс-план, мінуючы камісію Мядзельскага раёна, аж у аблвыканкам.
Між тым супраць такой ідэі выступаюць і жыхары пасёлка Нарач, і прадпрымальнікі, і служачыя. Вось толькі ідэолагі раёна маўчаць, хоць павінны былі б устаць на бок грамадскасці.