Dziesiacihadzinnyja čerhi na polskaj miažy
U Karoščynie, na polska‑biełaruskim pamiežnym pierachodzie tavarnaha typu (ź biełaruskaha boku — Kazłovičy) hruzavyja aŭtamabili čakajuć na piaresiačeńnie miažy kala 10 hadzin.
13.05.2008 / 07:44
U Karoščynie, na polska‑biełaruskim pamiežnym pierachodzie tavarnaha typu (ź biełaruskaha boku — Kazłovičy
Na pamiežnym pierachodzie nam paviedamili, što pryčyn jość niekalki. Pa‑pieršaje, heta ŭzmocnieny ruch furaŭ.
Pamiežnik z Karoščyna: Ciažka nazvać kankretnuju pryčynu, ci nazvać vinoŭnaha. Jość šmat čyńnikaŭ. Viadoma, što kantrol krychu času zajmaje. Treba pravieryć pašparty, hruz, tavar, treba zajechać, potym vyjechać. Ale hałoŭnaja pryčyna — heta ŭzmocnieny hruzavy ruch. Značna pavialičyŭsia pieravoz tavaraŭ mienavita aŭtamabilami.
Pamiežniki adnak zaznačajuć, što sytuacyja całkam narmalnaja, pakolki čerhi jość zaŭsiody.
Pamiežnik z Karoščyna: Nie byvaje tak, kab čerhaŭ nie było. Čerhi zaŭsiody jość — bolšyja ci mienšyja, u zaležnaści ad dzion u tydni, ad peryjadu ŭ hodzie. Zaŭsiody mienš na vychodnyja. Jość, naprykład, zabarona ruchu furaŭ u akreślenyja hadziny. Pad viečar hruzavym aŭtamabilam znoŭku možna jechać, i tady ŭtvarajucca čerhi, bo ŭsie jeduć u adzin čas. Tut ničoha nadzvyčajnaha. My pracujem u poŭnuju siłu, biełarusy taksama majuć svaje mahčymaści.
Padobnaja sytuacyja nazirajecca na polska‑ŭkrainskaj miažy ŭ Hrebennym i Darahusku.