Chłopčyk-biełarus doryć kvietki ruskaj dziaŭčyncy: u Minsku pačali malavać hihanckaje hrafici FOTAFAKT
03.06.2016 / 11:06
Na adnoj sa ścien žyłych damoŭ pa vulicy Mahiloŭskaj Minharvykankam vyrašyŭ adlustravać «chłopčyka biełarusa i dziaŭčynku ruskuju». Vieličynioj u 12 pavierchaŭ.
Prymierkavana adradžeńnie manumientalnaj prapahandy da «Dnia Rasii», - takoje paviedamleńnie źjaviłasia siońnia na staroncy supolnaści Signal.
Rabić hrafici pačali z vyjavy biełaruskaha chłopčyka, z bukietam palavych kvietak i hierbam Minska na vyšyvancy. Varta dadać, što vopratka chłopčyka nahadvaje abrysy tak zvanaj «ruskaj rubachi».
Jarasłaŭski mastak Artur Kašak viadomy ŭ Rasii svaimi hrafici ŭ žanry fotarealizmu. Siońnia jon užo prystupiŭ da kalarovaj afarboŭki.
Fota Signal.
Kuratar najbolš značnych dla Minska stryt-art akcyj Aleh Łaryčaŭ tak prakamientavaŭ źjaŭleńnie takoha tvora: «Dadzieny prajekt nie maje dačynieńnia ni da stryt-artu, ni da hrafici-kultury. Zakazny manumientalny rośpis u najhoršych savieckich tradycyjach».
«Na eskizie chłopčyk-biełarus u čyrvona-zialenym kapielušy doryć kvietki ruskaj dziaŭčyncy. Eskiz raspracoŭvaŭsia addziełam ideałohii Minharvykankama. Zamoŭlenyja rasijskija malary, bo «biełarusy nie majuć takoha dośviedu i ŭmieńniaŭ, pavodle čynoŭnikaŭ Minharvykankama», — paviedamlaje Signal.