Tysiačy palakaŭ na čale z dvuma eks-prezidentami vyjšli na antyŭradavuju demanstracyju ŭ Varšavie
U Varšavie adbyłasia masavaja demanstracyja ŭ honar hadaviny svabodnych vybaraŭ 1989 hoda i suprać palityki polskaha ŭrada. Da ŭdziełu ŭ šeści suajčyńnikaŭ zaklikali try byłyja prezidenty Polščy.
05.06.2016 / 08:53
Pad devizam «Usie za svabodu» tysiačy ludziej vyjšli ŭ niadzielu, 4 červienia, na vulicy Varšavy, kab adznačyć hadavinu pieršych u krainie demakratyčnych vybaraŭ 1989 hoda i vykazać pratest palitycy nacyjanał-kansiervatyŭnaha ŭrada Polščy.
U šeści pryniali ŭdzieł bolš za 10000 čałaviek. Jany skandavali łozunh «Svaboda, roŭnaść, demakratyja!». Akcyja była arhanizavana apazicyjnym rucham «Kamitet abarony demakratyi», jaki abvinavačvaje prezidenta Andžeja Dudu i ŭrad u pastupovym admovie ad pryncypaŭ i normaŭ pravavoj dziaržavy.
Reuters.com
Da ŭdziełu ŭ demanstracyi suajčyńnikaŭ zaklikali try byłyja prezidenty Polščy - Lech Valensa, Alaksandr Kvaśnieŭski i Branisłaŭ Kamaroŭski. Dvoje apošnich ŭznačalili šerahi demanstrantaŭ u polskaj stalicy.
U sumiesnym pasłańni Valensa, Kvaśnieŭski i Kamaroŭski napisali: «Ad imia vulic i płoščaŭ, na jakich kaliści zaradziŭsia niezaležny prafsajuz» Salidarnaść «my čarhovy raz zaklikajem jeŭrapiejcaŭ da zhurtavańnia».
Eks-kiraŭniki dziaržaŭ adznačyli ŭ svajoj zajavie, što havorać ad imia sotniaŭ tysiač hramadzian Polščy, jakija z pačatku praŭleńnia nacyjanał-kansiervatyŭnaha ŭrada demanstrujuć svaju prychilnaść da demakratyi, pravie i ŭsioj svabodnaj Jeŭropie.