Exit-polls pakazali niežadańnie šviejcarcaŭ ŭvodzić bazavy dachod
Šviejcarskija vybarščyki, vidać, adchilili prapanovu ab uviadzieńni harantavanaj bazavaha dachodu dla hramadzian krainy. Ab hetym pieradaje Reuters sa spasyłkaj na dadzienyja exit-polls, pra jakija paviedamiŭ šviejcarski telekanał SRF.
05.06.2016 / 14:19
Pavodle dadzienych exit-polls, lik praciŭnikaŭ bazavaha dachodu značna pieravyšaje kolkaść prychilnikaŭ jaho ŭviadzieńnia.
U Šviejcaryi ŭ niadzielu, 5 červienia, prachodzić refierendum, na jakim prapanavana prahałasavać za abo suprać «harantavanaha bazavaha dachodu». Miera praduhledžvaje biezumoŭnuju štomiesiačnuju płatu, jakaja budzie pradastaŭlacca hramadzianinu niezaležna ad taho, pracuje jon ci nie.
Dakładnaja suma, jakaja budzie ŭstalavana ŭ vypadku, kali žychary prahałasujuć za harantavany dachod, u pytańni, vyniesienym na refierendum, nie nazyvajecca. Adnak jaho prychilniki prapanujuć vyłučać štomiesiac 2500 šviejcarskich frankaŭ ($ 2555) dla darosłych i 625 frankaŭ ($ 630) - dla dziaciej.