Колькасць загінулых у перастрэлках у Актабэ вырасла да 17 чалавек
06.06.2016 / 12:37
У перастрэлках у казахстанскім Актабэ (былы Акцюбінск) загінулі 17 чалавек, паведамляюць у МУС краіны.
Сярод іх 11 меркаваных злачынцаў, трое вайскоўцаў, прадавец збройнай крамы і наведнік яшчэ адной збройнай крамы, а таксама супрацоўнік ахоўнага агенцтва.
Адказнасць за напад узяла на сябе невядомая групоўка «Арміі вызвалення Казахстана». Пацверджання гэтай інфармацыі з іншых крыніц пакуль не паступала.