Łukašenka: U vypadku kanfliktu našy pieršymi ŭstupajuć u boj, paśla čaho padciahvajucca čaści, skancentravanyja na zachadzie Rasii
07.06.2016 / 15:12
Ab hetym zajaviŭ Alaksandr Łukašenka siońnia na sustrečy z kiraŭnikami delehacyj, jakija prymajuć udzieł u XVI siesii Savieta kiraŭnikoŭ vyšejšych orhanaŭ finansavaha kantrolu dziaržaŭ — udzielnic SND.
«Rasijanie časta havorać pra toje, što la miežaŭ Rasii razhortvajucca novyja kantynhienty NATA. Treba padkreślić, što pierš za ŭsio — la našych miežaŭ, biełaruskich miežaŭ. My heta bačym i prymajem biez hvałtu, biez šumu adekvatnyja miery», — padkreśliŭ Łukašenka.
«Baču, što i rasijskaje kiraŭnictva siońnia dziejničaje ŭ hetym ža klučy ŭ zachodnim napramku, maju na ŭvazie, što ŭ nas sumiesnaja hrupoŭka Uzbrojenych sił na zachadzie, jakaja harantuje biaśpieku našaj ajčyny — Biełarusi i Rasii. I ŭ asnovie hetaj hrupoŭki čaści biełaruskaj armii. U vypadku kanfliktu jany pieršymi ŭstupajuć u boj i na praciahu karotkaha času siudy padciahvajucca čaści, skancentravanyja na zachadzie Rasijskaj Fiederacyi», - pradoŭžyŭ Łukašenka.
Jon taksama adznačyŭ: «My heta nie chavajem ad našych zachodnich nie to kaleh, nie to partnioraŭ, nie to sapiernikaŭ. Jany cudoŭna viedajuć našy damoŭlenaści z Rasijaj».
«Ja heta kažu, kab vy zrazumieli maju pazicyju adnosna SND. Biełaruś zaŭsiody była inicyjataram intehracyjnych pracesaŭ na postsavieckaj prastory, — adznačyŭ biełaruski lidar. — My vystupali i budziem vystupać za realnaje zbližeńnie respublik byłoha Savieckaha Sajuza».
«Kali my budziem u vyniku peŭnych zamašak u peŭnych dziaržavach asobnych palityčnych sił prytrymlivacca inšych pryncypaŭ, to my nikoli nie znojdziem supracoŭnictva pamiž respublikami, i pamiž nami buduć uźnikać, jak heta ciapier va Ukrainie i inšych častkach SND, sutyčki, nie daj boh, jašče i vojny», — zajaviŭ Alaksandr Łukašenka.
Kiraŭnik Biełarusi ŭpeŭnieny: «Usio ŭ našych rukach, nie treba łhać našym narodam. Kali my zachočam być razam, my zaŭsiody budziem».