U vyniku napadu na hiej-kłub u Fłarydzie zahinuli 50 čałaviek
12.06.2016 / 17:44
Steve Nesius/Reuters
U vyniku napadu na hiej-kłub Pulse ŭ Arłanda zahinuli 50 čałaviek, 53 čałavieki byli špitalizavany. Pra heta paviedamiŭ mer Arłanda.
Akramia taho paviedamlajecca, što napadnik byŭ zabity ŭ chodzie pierastrełki z palicejskimi.
Taksama stała viadomaja jaho asoba — pa dadzienych Washington Post heta 29-hadovy hramadzianin ZŠA Amar Macin. Jaho baćki — vychadcy z Afhanistana.
Supracoŭniki pravaachoŭnych orhanaŭ nie vyklučajuć, što Macin moh mieć suviaź z radykalnymi isłamisckimi hrupoŭkami, a napad byŭ ździejśnieny na hlebie isłamskaha ekstremizmu.