Лукашэнка: Маладыя людзі павінны прыносіць карысць Беларусі
13.06.2016 / 13:42
Прасунутая разумная моладзь — велізарны патэнцыял Беларусі. Пра гэта сёння заявіў Аляксандр Лукашэнка, узгадняючы прызначэнні рэктараў Віцебскага дзяржаўнага тэхналагічнага ўніверсітэта і Гомельскага дзяржаўнага універсітэта імя Францыска Скарыны.
«Прасунутая, талковая разумная моладзь — велізарны патэнцыял Беларусі», — сказаў кіраўнік дзяржавы. Маладыя людзі, адзначыў Аляксандр Лукашэнка, павінны прыносіць карысць краіне.
Звяртаючыся да рэктараў ВНУ, кіраўнік краіны падкрэсліў: «Аб'ект вашай дзейнасці такі, што ён не дазволіць вам адысці ад актыўнай жыццёвай пазіцыі, — гэта моладзь». Ён пажадаў ім поспехаў у працы.
Як паведамлялася, сёння Лукашэнка даў згоду на прызначэнне Андрэя Кузняцова рэктарам Віцебскага дзяржаўнага тэхналагічнага універсітэта, Сяргея Хахомава — рэктарам Гомельскага дзяржаўнага універсітэта імя Францыска Скарыны.