Zodiak Television vychodzić na biełaruski rynak
Telebačańnie Zodiak, praz padparadkavanuju jamu rasiejskuju kampaniju TeleAlliance, pačynaje dziejnaść na novym rynku — 13 dla jaho pa liku.
19.05.2008 / 21:20
Pieršym prajektam budzie zabaŭlalnaje šoŭ z tych, što zvyčajna pakazvajuć u najlepšy eterny čas. Pakaz šoŭ prymierkavany na vosień.
Hrupa Zodiak Television, vialiki j paśpiachovy hulec eŭrapejskaha televizyjnaha rynku, pašyraje svaju dziejnaść na terytoryi SND, adčyniajučy ŭ Biełarusi novaje adździaleńnie, jakoje maje skarystacca vytvorčymi j licenzijnymi mahčymaściami krainy.
Adździaleńniem budzie kiravać Zodiak Vostok — kampanija ŭ Maskvie, jakaja zabiaśpiečvaje investycyjnuju aktyŭnaść hrupy ŭ krainach SND.
Pieršaj pradukcyjaj u Biełarusi buduć 34 epizody zabaŭlalnaha šoŭ, pryznačanaha dla pakazu ŭ lepšy eterny čas. Šoŭ zamoviła j finansavała biełaruskaja loterejnaja kampanija «Sport‑pary».
Šoŭ stvarajecca ŭ novym farmacie, raspracavanym padparadkavanaj hrupie kampanijaj TeleAlliance.
Stratehija Zodiak Television — u farmavańni mocnaha katalohu licenzyjaŭ, jakija akuplajecca praz vytvorčaść, sumiesnuju vytvorčaść albo prodaž licenzijaŭ na rynkach SND.
U 2007 hodzie Zodiak pieradaŭ biełaruskamu ANT farmat «Zorki na scenie» (u miascovym varyjańcie — «Dźvie zorki»). Pieradača imhnienna zrabiłasia hitom.
Ale prapanova «Sport‑pary» źjaŭlajecca dla Zodiak Television mahčymaściu prarvacca na biełaruski rynak «ułasnaj personaj», kab zaniać na im centralnaje stanovišča.