U Minsku zatrymanaja pravaabaronca Tamara Siarhiej
23.06.2016 / 10:39
23 červienia ŭ Minsku zatrymanaja juryst i pravaabaronca Tamara Siarhiej.
Pa telefonie pravaabaronca paviedamiła BiełaPAN, što jaje zatrymali kala 9.30 u rajonie Kurapataŭ, niedaloka ad doma, i dastavili va UUS Centralnaha rajona Minska nibyta ŭ suviazi sa skarhaj, jakuju jana nakiravała 16 maja na imia načalnika minskaj milicyi Alaksandra Barsukova. Skarha tyčyłasia dziejańniaŭ supracoŭnikaŭ milicyi ŭ dačynieńni da ŭdzielnikaŭ pikieta, jaki prajšoŭ 31 sakavika na płoščy Svabody.
Ciapier Siarhiej znachodzicca ŭ RUUS, nijakich dziejańniaŭ u dačynieńni da jaje nie prymajecca. Pavodle słoŭ jurysta, jana zapatrabavała składańnia pratakoła ab zatrymańni.
Siońnia ŭ Minsku na płoščy Svabody, niedaloka ad Pałaca Respubliki, dzie prachodzić V Usiebiełaruski narodny schod, płanujecca čarhovy pikiet pradstaŭnikoŭ hramadzianskaj inicyjatyvy «Suprać biezzakońnia ŭ sudach i prakuratury». Aktyvistkaj inicyjatyvy źjaŭlajecca i Tamara Siarhiej.