Samalot na soniečnych batarejach Solar Impulse 2 pryziamliŭsia ŭ Ispanii
23.06.2016 / 11:53
Ujaŭlajecie, chutka nie tolki jeździć, ale i lotać biez paliva budziem! Samalot na soniečnych batarejach Solar Impulse 2, jaki adpraviŭsia ŭ sakaviku 2015 hoda ŭ kruhaśvietnaje turne, paśpiachova pieralacieŭ Atłantyčny akijan i siońnia pryziamliŭsia ŭ Sievilji, infarmujuć arhanizatary prajekta. Na palot ź Ńju-Jorka ŭ ispanskuju Sievilju syšło 70 hadzin, heta značyć kala troch sutak. Kiravaŭ pieralotam šviejcarski piłot Biertran Pikara.
SI2 źjaŭlajecca ŭdaskanalenaj viersijaj svajho papiarednika — Solar Impulse. Samalot maje 17 tys. soniečnych batarej, dziakujučy jakim pracujuć 4 elektramatory. Solar Impulse 2 moža nabirać krejsierskuju chutkaść 140 km/hadzinu. Samalot užo pabyvaŭ u Amanie, Indyi, Mjanmie, Kitai, Japonii i ZŠA. Apošnim punktam pryznačeńnia ŭ hetym maršrucie stanie Abu-Dabi (AAE), ź jakoha jon i pačaŭ svajo doŭhaje padarožža.