«Vyšahradskaja čaćviorka» vystupiła suprać pahłybleńnia intehracyi ź ES
28.06.2016 / 12:53
Krainy «Vyšahradskaj čaćviorki» sumniavajucca ŭ aktualnaści prapanoŭ niamieckaha i francuzskaha ministraŭ zamiežnych spraŭ pa pahłybleńni «palityčnaha sajuza» ŭ Jeŭropie paśla rašeńnia Vialikabrytanii pakinuć ES.
Pra heta zajaviŭ ministr zamiežnych spraŭ Čechii Zaoralek, paviedamlaje Deutsche Welle.
Vystupajučy ŭ paniadziełak 27 červienia, paśla sustrečy z kalehami ź Vienhryi, Polščy, Słavakii, Francyi i Hiermanii, Zaoralek padkreśliŭ, što pakul kazać ab chutkaj intehracyi ŭ ES niama sensu.
«Niama sensu kazać ab chutkaj abo biezahladnaj intehracyi, heta było b biessensoŭnym adkazam na toje, što adbyłosia ŭ Vialikabrytanii. Akazałasia, što hramadskaść adstaje ad hetych (intehracyjnych) pracesaŭ, heta pracesy, jakija nie byli rastłumačanyja hramadskaści», — adznačyŭ jon.
Kiraŭnik MZS Čechii taksama dadaŭ, što čatyry ŭschodniejeŭrapiejskija členy ES vykazali pieraściarohu adnosna prapanavanaj ahulnaj palityki biaśpieki.