BRSM pravioŭ u centry Minska šeście ŭ nacyjanalnych strojach i vyšymajkach
2.07.2016 / 14:49
La staličnaha Pałaca sportu prajšoŭ art-parad u vyšymajkach i nacyjanalnych strojach. Arhanizatary mierapryjemstva: Ministerstva kultury, Minharvykankam i BRSM. Šeście adbyłosia ad Niamihi pa častcy praśpiekta Pieramožcaŭ da placoŭki pierad Pałacam sportu.
Niahledziačy na tradycyjny i «dziaržaŭny» standart šeścia — kałony abłaściej i horada Minska, jaho možna nazvać histaryčnym. Upieršyniu ŭ sučasnaj historyi Biełarusi aficyjnyja ŭłady na samym vysokim uzroŭni praviali publičnaje šeście, źviazanaje z tradycyjnymi nacyjanalnymi biełaruskimi simvałami i arnamientalnymi kodami. Darečy, da šeścia BRSM raspracavaŭ ułasny varyjant vyšymajki.