Глухая дзяўчынка навучыла глухое шчаня камандам на мове жэстаў КРАНАЛЬНАЕ ВІДЭА
07.07.2016 / 18:33
Некамерцыйная арганізацыя Pasadena Humane Society & SPCA размясціла на сваёй старонцы ў Facebook ролік пра сяброўства дзесяцігадовай Джуліі і яе шчаняці Уолтара. Пра гэта ў чацвер, 7 ліпеня, паведамляе Mashable.
І дзяўчынка, і яе гадаванец ад нараджэння глухія. Джулія здолела навучыць шчаняці мове жэстаў, і шчаня ўжо рэагуе на такія каманды, як «сядзець», «есці» і «піць». З сабакам яна праводзіць увесь вольны час. «Я люблю Уолтара, ён мой лепшы сябар», — прызнаецца дзяўчынка ў канцы роліка.