Biełaruskija mytniki prymusili muzykaŭ z Red Hot Chili Peppers padpisać płakaty i kampakt-dyski Metallica
10.07.2016 / 17:58
Basist hurta Red Hot Chili Peppers Fli (Majkł Piter Balzary) u svaim instahramie raspavioŭ zabaŭnuju historyju. Padčas pierasadki ŭ minskim aeraporcie muzykaŭ da siabie ŭ kabiniet vyklikali pradstaŭniki mytnych orhanaŭ.
«Jany paprasili nas padpisać kuču płakataŭ i kampakt-dyskaŭ «Mietaliki». My sprabavali rastłumačyć, što my nie «Mietalika», a inšy hurt, ale mytniki skazali ŭsio adno padpisvać. U ich była ŭłada. Nu, ja sapraŭdy adnojčy hraŭ razam z «Mietalikaj». Ja lublu «Mietaliku», ale ja nie Robiert Truchila», — napisaŭ Fli.