U Italii łob u łob sutyknulisia dva ciahniki: dziesiać čałaviek zahinuli, dziasiatki paranienych FOTAFAKT
12.07.2016 / 14:26
ASNA
Na poŭdni Italii adbyłosia łabavoje sutyknieńnie dvuch pasažyrskich ciahnikoŭ. Jak paviedamlaje Reuters sa spasyłkaj na pažarnych, zahinuła prynamsi dziesiać čałaviek. Takuju ž kolkaść achviar sa spasyłkaj na krynicy nazyvajuć Rainews24 i Ansa.
Akramia taho, Republicca piša pra «dziasiatki» paranienych. U pryvatnaści, z-pad abłomkaŭ dastali žyvoje dzicia, jakoje było dastaŭlena ŭ balnicu na viertalocie.
Incydent adbyŭsia ŭ pravincyi Bary ŭ vobłaści Apułija na ŭčastku pamiž haradami Andryja i Korat. Pa dadzienych Reuters, sutyknieńnie adbyłosia pasiarod aliŭkavaha haju.
Da miesca zdareńnia ściahnutyja pažarnyja i palicyja.