Błohieru Antonu Matolku telefanuje nieviadomy z pytańniem, kali buduć chavać Šaramieta i Palčysa
21.07.2016 / 19:12
Viadomy minski błohier i fatohraf Anton Matolka ŭ svaim tvitary paviedamiŭ, što siońnia jamu z nieisnujučaha numara telefanavaŭ čałaviek, jaki cikaviŭsia dataj pachavańnia zabitaha žurnalista Paŭła Šaramieta i Eduarda Palčysa, jaki ŭ dadzieny momant znachodzicca pad śledstvam.
«Numar mnie vyśvietlić nie ŭdałosia, najchutčej, heta taksafon, — skazaŭ «Našaj Nivie» Matolka. — Pra asobu skazać možna mała — mužčyna hadoŭ tryccaci, niejki varjat. Spytaŭ pra pachavańnie adnaho zabitaha i adnaho žyvoha čałavieka. Kali ž ja ŭ adkaz paprasiŭ nazvacca, to jon, nie spyniajučysia, pačaŭ nieści niejkuju łuchtu pra «śvidamizm» jak niejkuju chvarobu, na jakuju chvareju ja i vyšejnazvanyja ludzi, nu i ŭ takim duchu. Aproč adnaho pytańnia, ja jamu ni skazaŭ ni słova».
Nahadajem, što biełaruskaha žurnalista Paŭła Šaramieta ŭčora zabili ŭ Kijevie, padarvaŭšy mašynu. A Eduard Palčys — heta źniavoleny stvaralnik sajta www.1863x.com.