U Maładziečanskim rajonie zahinuŭ małady kambajnier
02.08.2016 / 21:17
Na poli kala vioski Kiłtaŭcy Haradockaha sielsavieta Maładziečanskaha rajona ŭviečary 31 lipienia padčas uborki ŭradžaju zahinuŭ 24-hadovy kambajnier. Pavodle papiarednich dadzienych, chłopca zaciahnuła ŭ žniajarku kambajna.
«Kambajn naležyć sielskahaspadarčamu pradpryjemstvu «Biarezina-Ahrapradukt», — raspavioŭ prakuror Maładziečanskaha rajona Uładzimir Duboŭski. — Niaščasny vypadak adbyŭsia kala 17.30. Pavodle papiarednich dadzienych, kambajnier palez čyścić žniajarku kambajna. I ŭ joj atrymaŭ traŭmy, niesumiaščalnyja z žyćciom. U pryvatnaści, maładomu čałavieku štyrom prabiła hałavu, pieramałoła kostki cieła».
Pravierku pa śmierci kambajniera pravodzić Maładziečanski rajonny adździeł Śledčaha kamiteta. Treba vyśvietlić, u jakim techničnym stanie znachodziŭsia kambajn. Pryznačanaja taksama ekśpiertyza pa stanie kambajniera pierad trahiedyjaj. Ale, pavodle papiarednich dadzienych, jon byŭ ćviarozy.