Biełarusy paskardzilisia na prablemy z dostupam da sajta AliExpress
10.08.2016 / 16:39
Biełaruskija internet-karystalniki sutyknulisia ź pierabojami ŭ pracy papularnaj anłajn-kramy AliExpress. Niekatoryja ŭpieršyniu zaŭvažyli prablemu siońnia, inšyja ž nie mohuć ździejśnić pakupki ŭžo niekalki dzion.
Supołka «AliExpress.com pa-rusku» apytała svaich padpisčykaŭ ab tym, nakolki karektna ŭ ich pracuje handlovaja placoŭka. 90% biełaruskich karystalnikaŭ adznačyli, što nie ŭsie servisy placoŭki funkcyjanujuć spraŭna. Ahułami na zboi paskardziłasia bolš za 600 biełarusaŭ.
Prablemy vyjaŭlajucca ŭ niemahčymaści zajści ŭ rachunak, dadać tavar u košyk, adsačyć nabyty tavar. Taksama pryłady pakupnikoŭ nie pakazvajuć vyjavy na kartkach tavaraŭ.
Dakładnaja pryčyna prablemy pakul niajasnaja. Niekatoryja karystalniki raspaviadajuć, što vyrašyć prablemu atrymałasia z dapamohaj VPN-servisaŭ. Dapamahčy moža braŭziernaje pašyreńnie dla Chrome, Mozilla, Opera abo ŭniviersalny instrumient ad «Jandeksa».