Palavańnie na kapytnych pačniecca ŭ Biełarusi 20 žniŭnia
18.08.2016 / 11:23
Siezon palavańnia na kapytnych z 20 žniŭnia startuje ŭ Biełarusi, paviedamili ŭ pres-słužbie Dziaržaŭnaj inśpiekcyi achovy žyviolnaha i raślinnaha śvietu pry prezidencie Biełarusi.
«Adkryvajecca palavańnie na łasioŭ, aleniaŭ (vysakarodnaha i plamistaha), łań. Dazvolena zdabyvać darosłych samcoŭ i sielekcyjnych žyvioł luboha połu i ŭzrostu na praciahu sutak ružejnym sposabam z zasady i z padychodu», - udakładnili ŭ Dziaržinśpiekcyi.
Pry hetym možna vykarystoŭvać naraznuju palaŭničuju zbroju z dulnaj enierhijaj kuli zvyš 3 tys. džoŭlaŭ, hładkarulnuju palaŭničuju zbroju i kulavyja patrony, palaŭničyja łuki i arbalety (peŭnych paramietraŭ).
U bližejšyja vychadnyja ŭsie padraździaleńni Dziaržinśpiekcyi buduć pracavać va ŭzmocnienym režymie. Kantrolnyja palavyja mierapryjemstvy, nakiravanyja na praduchileńnie niezakonnaha palavańnia, projduć va ŭsich rajonach i palaŭničych uhodździach krainy.