Беларуска Марыя Мамашук заваявала срэбраны медаль на Алімпіядзе
19.08.2016 / 00:30
Наша прадстаўніца ў вольнай барацьбе Марыя Мамашук заваявала срэбраны медаль у вагавай катэгорыі да 68 кілаграмаў.
У вырашальнай схватцы Марыя, на жаль, саступіла японцы Рысака Каваі з лікам 6:0.
Гэта шосты медаль Беларусі на Алімпіядзе. Раней было золата Уладзіслава Ганчарова ў скачках на батуце, срэбры — Дар’і Навумавай і Вадзіма Стральцова ў цяжкай атлетыцы, бронзы — Джавіда Гамзатава ў грэка-рымскай барацьбе і Аляксандры Герасімені ў плаванні.