Лукашэнка павіншаваў Парашэнку з Днём Незалежнасці
24.08.2016 / 08:12
Аляксандр Лукашэнка павіншаваў прэзідэнта Украіны Пятра Парашэнкі з Днём Незалежнасці Украіны, паведамілі ў прэс-службе беларускага лідара.
«Шматгадовае плённае супрацоўніцтва Рэспублікі Беларусь і Украіны нязменна характарызуюць павагу, падтрымку і ўзаемнае імкненне да ўмацавання добрых, сяброўскіх стасункаў», - гаворыцца ў віншаванні.
Прэзідэнт выказаў упэўненасць, што высокі ўзровень беларуска-ўкраінскага ўзаемадзеяння, канструктыўны і адкрыты дыялог атрымаюць далейшае развіццё на карысць беларускага і ўкраінскага народаў.
Аляксандр Лукашэнка пажадаў Пятру Парашэнку моцнага здароўя, шчасця і поспехаў у яго адказнай дзейнасці, а народу брацкай Украіны - міру і працвітання.