Paŭła Vinahradava aštrafavali za akcyju «Dziakuj za nahlad» na 840 rubloŭ
U čacvier, 25 žniŭnia, viadomaha biełaruskaha hramadskaha aktyvista Paŭła Vinahradava aštrafavali za arhanizacyju i ŭdzieł u niesankcyjanavanaj akcyi «Dziakuj za nahlad» (jana adbyłasia ŭ Minsku 26 červienia) na 40 bazavych vieličyń (840 rubloŭ).
25.08.2016 / 13:29
Takoje rašeńnie pryniaŭ sud Pieršamajskaha rajona stalicy. Jašče adzin administracyjny pratakoł byŭ znoŭ adpraŭleny na dapracoŭku. Heta artykuł 23.5 KoAP «abraza słužbovaj asoby pry vykanańni joj słužbovych paŭnamoctvaŭ». Pa słovach Vinahradava, abražanym siabie paličyŭ načalnik kryminalna-vykanaŭčaj inśpiekcyi Maskoŭskaha rajona, chacia aktyvist pra jaho nidzie nie zhadvaŭ.
Padčas červieńskaj akcyi ŭdzielniki maładziožnaj inicyjatyvy «Zmiena» vyviesili na moście hirlandu z dvuch dziasiatkaŭ bieł-čyrvona-biełych ściahoŭ, a na prypynkach hramadskaha transpartu — ściahi i płakaty z vyjavaj Paŭła Vinahradava, jaki pakazvaje siaredni palec. Na płakacie byŭ nadpis «Dziakuj za nahlad» (za niekalki tydniaŭ da hetaha pavodle rašeńnia suda nad aktyvistam ustanavili previentyŭny nahlad na paŭhoda).