Dostup hulniamanaŭ u kazino svajaki zmohuć abmiežavać praz sud
25.08.2016 / 17:01
Alaksandr Łukašenka padpisaŭ 25 žniŭnia ŭkaz, jaki ŭnosić źmianieńni i dapaŭnieńni ŭ asobnyja ŭkazy pa pytańniach pradprymalnickaj dziejnaści i padatkaabkładańnia ŭ metach pryviadzieńnia ich u adpaviednaść z apošnimi źmianieńniami Padatkovaha kodeksa. Pra heta paviedamili ŭ pres-słužbie kiraŭnika dziaržavy.
Dakumient taksama skarektavaŭ Pałažeńnie ab ažyćciaŭleńni dziejnaści ŭ sfiery ihralnaha biznesu na terytoryi Biełarusi, jakoje było zacvierdžana ŭkazam numar 9 ad 10 studzienia 2005 hoda, u častcy pradastaŭleńnia svajakam mahčymaści źviartacca ŭ sud z zajavaj ab abmiežavańni fizičnaj asoby ŭ naviedvańni ihralnych ustanoŭ i ŭdziele ŭ azartnych hulniach na termin ad šaści miesiacaŭ da troch hadoŭ.
Heta novaŭviadzieńnie abumoŭlenaje tym, što mnohija ŭdzielniki azartnych hulniaŭ, majučy ihralnuju zaležnaść, nie mohuć prymusić siabie nie naviedvać takija ŭstanovy, što viadzie da ciažkaha materyjalnaha stanovišča ich blizkich i razbureńnia važniejšaha sacyjalnaha instytuta dziaržavy — siamji.