Amal 200 čačencaŭ sabralisia kala pierachodu «Brest» — polskija pamiežniki nie prymajuć ich u jakaści biežancaŭ
29.08.2016 / 21:44
Amal 200 čačencaŭ, jakich polskija pamiežniki nie prymajuć u jakaści biežancaŭ, dniom 29 žniŭnia sabralisia kala biełaruskaha pamiežnaha pierachodu «Brest» na biełaruska-polskaj miažy.
Jak paviedamiŭ pravaabaronca Raman Kiślak, u ich liku byli tyja, chto biespaśpiachova sprabavaŭ pierajechać miažu praz hety aŭtadarožny punkt propusku aŭtobusam, a taksama ciahnikom Brest — Terespal.
«Takim čynam biežancy z Čačni sprabavali pryciahnuć uvahu da svajoj prablemy. Pavodle słoŭ niekatorych, jany žyvuć u Breście niekalki miesiacaŭ i kožny dzień robiać sproby vyjechać u Polšču, kab atrymać tam status biežanca. Čačency kažuć, što pakidajuć radzimu, bo žyć tam niemahčyma», — dadaŭ pravaabaronca.
Pavodle źviestak BiełaPAN, nichto z čačencaŭ 29 žniŭnia zatrymany nie byŭ.