Маршрутка з пасажырамі сутыкнулася з грузавіком пад Мінскам: шэсць чалавек шпіталізаваныя
30.08.2016 / 10:10
Пасажырскі мікрааўтобус сутыкнуўся з грузавіком на 14-м км трасы М4 Мінск — Магілёў — шпіталізаваны 6 чалавек, паведаміла вядучы спецыяліст па агітацыі і прапагандзе АДАІ Заводскага РУУС Мінска Таццяна Лапко.
«Аварыя адбылася адразу за пасёлкам Сосны. Мікрааўтобус «Фальксваген», які рухаўся ў бок Мінска ў другой паласе, сутыкнуўся з грузавіком. У выніку сутыкнення 6 чалавек шпіталізаваныя», — удакладніла Таццяна Лапко.
Паводле яе слоў, пашкоджаны мікрааўтобус ад'ехаў ад месца ДТЗ на 1,5 км.