La bierahoŭ Antalji patanuła turystyčnaje sudna: 79 pasažyraŭ vyratavali, dvoje źnikli VIDEA

Marskaja ekskursija na parusnym karabli ŭ tureckaj častcy Mižziemnamorja skončyłasia karablekrušeńniem.

03.09.2016 / 21:51

Sudna Kurt-C, jakoje znachodziłasia ŭ adnadzionnym kruizie z turystami, siarod jakich byli zamiežniki, trapiła ŭ štorm, pieradaje Hurriyet.

Kapitan pryniaŭ rašeńnie viartacca ŭ port, na adlehłaści dźviuch mil ad bieraha sudna pačało chilicca i zavalvacca na bok. Kamanda apaviaściła ab krušeńni bierahavuju achovu i razdała ŭsim pasažyram vyratavalnyja kamizelki.

Pa słovach vidavočcy, jakija pryvodzić telekanał NTV, sudna chutka pieraviarnułasia, paśla čaho ŭsie, chto byŭ na borcie, apynulisia ŭ mory.

U chodzie apieracyi, u jakoj apynulisia zadziejničany 90 čałaviek, byli vyratavany 79 pasažyraŭ i členaŭ ekipaža, 33 ź ich paciarpieli.

Dva čałavieki — hramadzianka Turcyi i 14-hadovaja hramadzianka Livana — prapali bieź viestak.