Беларускі функцыянер выйшаў на адкрыццё Паралімпіяды з расійскім сцягам
Расійскія спартсмены не змаглі прыняць удзел у Паралімпійскіх гульнях з-за часовага адхілення Паралімпійскага камітэта Расіі (ПКР) на падставе дакладу незалежнай камісіі ВАДA аб дзяржаўнай падтрымцы ўжывання допінгу ў краіне.
08.09.2016 / 06:04
PA/Scanpix/LETA
Мужчына з расійскім сцягам прайшоў па стадыёне некалькі дзясяткаў метраў, пасля чаго сцяг у яго забралі.
У Міжнародным паралімпійскім камітэце (МПК) абмяркоўваюць, якімі могуць быць дысцыплінарныя меры супраць беларуса.
Расійскія спартсмены не змаглі прыняць удзел у Паралімпійскіх гульнях з-за часовага адхілення Паралімпійскага камітэта Расіі (ПКР) на падставе дакладу незалежнай камісіі ВАДA аб дзяржаўнай падтрымцы ўжывання допінгу ў краіне.
Пасля рашэння аб адхіленні спартсменаў беларуская дэлегацыя паабяцала пранесці расійскі сцяг на цырымоніі адкрыцця ў знак падтрымкі расійскіх паралімпійцаў.
Аднак, як паведамлялі расійскія СМІ, МПК наўпрост забараніў беларусам гэта рабіць, заявіўшы, што падобныя паводзіны будуць расцэнены як палітычны жэст.
Паралімпійскія гульні праходзяць у Рыа-дэ-Жанейра з 7 па 18 верасня.