BT: Intervju Šudziejki brytanskaj «Hardyjan» — niapraŭda!
10.09.2016 / 22:35
Intervju hienieralnaha sakratara Paralimpijskaha kamiteta Biełarusi Mikałaja Šudziejki brytanskamu vydańniu «Hardyjan» było niapraŭdaj. Pra heta było zajaŭlena ŭ navinavym efiry telekanała «Biełaruś 1».
«Nie abyšoŭsia vysakarodny ŭčynak (vynas rasijskaha ściaha na cyrymonii adkryćcia Paralimpijady) i bieź śpiekulacyj i pravakacyj. Adna ź internet-krynic paviedamiła pra toje, što kiraŭnik biełaruskaj misii na Paralimpijskich hulniach Mikałaj Šudziejka daŭ intervju brytanskaj «Hardyjan», dzie, nibyta, u razmovie asudziŭ dziejańni Andreja Fomačkina i zajaviŭ, što kamanda zasmučanaja i aburanaja tym, što jaje sprabujuć vykarystać u palityčnych metach», — adznačyli ŭ teleefiry.
«Nam udałosia pieramovicca ź Mikałajem Šudziejkam pa telefonie. U razmovie jon całkam abvierh hetuju infarmacyju i intervju haziecie «Hardyjan» nazvaŭ niapraŭdaj», — zajaviła viadučaja vypusku navin.