Шымона Перэса шпіталізавалі, у яго інсульт
Былы прэзідэнт Ізраіля Шымон Перэс шпіталізаваны пасля перанесенага інсульту, паведамляе The Times of Israel.
13.09.2016 / 21:04
YES
Ён знаходзіцца ў медыцынскім цэнтры Шыба блізу Тэль-Авіва. Перэс знаходзіцца ў свядомасці, яго стан ацэньваецца як стабільны.
У студзені 2015 года ён перанёс лёгкі сардэчны прыступ. У жніўні экс-прэзідэнту Ізраіля споўнілася 93 гады.
Шымон Перэс нарадзіўся 2 жніўня 1923 г. у беларускім Вішневе (Валожынскі раён).
Ён узначальваў краіну з 2007 года па 2014 год. Да гэтага ён займаў мноства пасад, у тым ліку двойчы быў міністрам замежных спраў краіны, двойчы займаў пасаду прэм'ер-міністра, а таксама быў міністрам рэгіянальнага развіцця Ізраіля. Яго палітычная кар'ера налічвае 70 гадоў.