Асанж паабяцаў здацца ўладам ЗША ў абмен на памілаванне Чэлсі Мэнінг

16.09.2016 / 09:53

Заснавальнік WikiLeaks Джуліян Асанж заявіў, што згодны здацца ўладам ЗША, калі прэзідэнт Барак Абама памілуе Чэлсі Мэнінг. Умова з'явілася ў твітары WikiLeaks.

If Obama grants Manning clemency, Assange will agree to US prison in exchange -- despite its clear unlawfulness https://t.co/MZU30S3Eia

— WikiLeaks (@wikileaks) 15 сентября 2016 г.

Міністэрства юстыцыі ЗША паведаміла CNN, што ведамству нічога невядома пра здзелку, прапанаваную Асанжам і яго прадстаўнікамі. Афіцыйны прадстаўнік пракуратуры ва ўсходняй акрузе штаце Вірджынія, якая вядзе справу, адмовіўся ад каментароў.

***

Чэлсі Мэнінг абвінавачвалі ў крадзяжы 750 тысяч старонак канфідэнцыйных дакументаў і відэазапісаў Пентагона, а таксама іх перадачы праекту WikiLeaks. Крадзеж дакументаў лічыцца найбуйнейшым у гісторыі ЗША. Мэнінг была прызнаная вінаватай па 20 з 22 выстаўленых супраць яе абвінавачванняў і прысуджаная да 35 гадоў пазбаўлення волі.