Vaśmikłaśnicu z Maładziečna naśmierć pierajechaŭ hruzavik, kali jana była na bulbie
Zdareńnie adbyłosia siońnia, 29 vieraśnia, prykładna ŭ hadzinu dnia. Pole, na jakim pracavali dzieci, mieścicca niepadalok ad vialikaha kalca na vyjeździe na Minsk.
29.09.2016 / 15:39
U redakcyju «Rehijanalnaj haziety» pra heta paviedamiŭ chłopčyk, jaki ŭ toj momant znachodziŭsia tam ža na poli.
Jon raskazaŭ, što dziaŭčynka vučyłasia ŭ 8 kłasie 11 škoły.
— Hruzavik z bulbaj zdavaŭ nazad, — raskazvaje chłopčyk. — I nie zaŭvažyŭ, što zzadu staić dziaŭčynka i najechaŭ na jaje. Pakul pryjechała chutkaja, dziaŭčynka pamierła.
U Śledčym kamitecie fakt paćvierdzili. Raskazali, što na miesca zdareńnia vyjechaŭ śledčy.