Žurnalist «Presboła»: Jakaja «Majstar-Liha»? Treba adrazu zaćvierdzić dvuchmoŭje ŭ naźvie
30.09.2016 / 13:08
Futbolnyja śpiecyjalisty viaduć dyskusiju nakont stvareńnia ŭ Biełarusi prafiesijnaj futbolnaj lihi. Jaje patencyjnaja nazva — «Majstar-Liha» (mienavita tak, pa-biełarusku).
Siarhiej Novikaŭ.
Žurnalist «Presboła» Siarhiej Novikaŭ padzialiŭsia mierkavańniem z hetaj nahody:
— Svaju vieru ŭ mahčymaść paśpiachovaj «dźvižuchi» hatovy padmacavać, kali zaŭhodna, paradami pa drobiaziach. Naprykład, takimi. Adrazu zaćvierdzić dvuchmoŭje ŭ naźvie. Jasna, što liha, kali jaje stvorać, kudy čaściej budzie zhadvacca ŭ ruskamoŭnym kantekście. Dyk jakaja ž tady «Majstar-liha»? Vy ŭžo paškadujcie viadučych efirnych navin. Jak skłaniać im zadumany prajekt? Što rabić, skažam, z davalnym abo miesnym skłonami? Moža, dosyć anałahičnych zapinak z «Krumkačami»? Dyk tam choć pierakład na ruskuju dakładna škodzić imidžava. Ale tut što pieraškadžaje «Mastier-lihie» hučać paŭnapraŭna ź biełaruskaj viersijaj? Vy, bratcy, kali ŭžo sabralisia zavajoŭvać i abjadnoŭvać balelščyckija masy, nie množcie banalnyja drobiazi, jakija buduć ich tolki raźjadnoŭvać.