Pad Stolinam niekalki razoŭ pierakuliŭsia BMW X5 z pjanaj kampanijaj: kiroŭca zahinuŭ
09.10.2016 / 20:34
Adzin čałaviek zahinuŭ, jašče adzin atrymaŭ traŭmy roznaj stupieni ciažkaści ŭ DTZ, jakoje adbyłosia 9 kastryčnika, kala 05.40, na trasie R6 Ivacevičy — Pinsk — Stolin. Pra heta paviedamili ŭ DAI Bresckaj vobłaści.
— Pavodle papiaredniaj infarmacyi, kampanija maładych ludziej viartałasia paśla naviedvańnia adnoj z načnych ustanoŭ Pinska ŭ ahraharadok Alšany. Za rulom aŭtamabila znachodziŭsia 21-hadovy chłopiec, jaki nikoli nie atrymlivaŭ paśviedčańnie kiroŭcy. Na 139-m kiłamietry trasy małady čałaviek nie spraviŭsia z kiravańniem, aŭtamabil vylecieŭ u kiuviet i niekalki razoŭ pierakuliŭsia, — skazali ŭ DAI.
Akramia kiroŭcy, u BMW jechali 6 pasažyraŭ, adzin ź ich znachodziŭsia ŭ bahažniku.
U vyniku DTZ kiroŭca ad atrymanych traŭmaŭ pamior na miescy zdareńnia, 25-hadovy pasažyr z traŭmami roznaj stupieni ciažkaści špitalizavany.
Papiarednie, usie šeść pasažyraŭ byli pjanyja. Usie, chto byŭ u aŭtamabili — žychary vioski Alšany, pryčym čacviora ź ich — rodnyja braty.