ЕС адмовіўся ад новых санкцыяў у дачыненні да Расіі з-за пазіцыі Італіі
21.10.2016 / 08:49
На рашэнне Еўрасаюза адмовіцца ад увядзення новых санкцый у дачыненні да Расеі з-за сітуацыі ў Сірыі паўплываў прэм'ер-міністр Італіі Матэа Рэнцы, паведамляе The Financial Times.
Падчас дзевяцігадзінных перамоваў на саміце ЕС у Італіі, па дадзеных выдання, менавіта Рэнцы дамогся, каб з выніковай заявы была прыбрана прапанова пра новыя санкцыі ў дачыненні да Расіі, высунутая ў пачатку сустрэчы.
За ўвядзенне санкцый, адзначае FT, на саміце выступалі, у ліку іншых, канцлер ФРГ Ангела Меркель і прэм'ер-міністр Вялікабрытаніі Тэрэза Мэй.